Home » मुख्य समाचार » मकालु–कञ्चन हीरक महोत्सवः विश्वका आरोही आउँदै

मकालु–कञ्चन हीरक महोत्सवः विश्वका आरोही आउँदै

Facebook Twitter Google+ Pinterest Reddit
Share

makalu

काठमाडौं । विश्व चर्चित मकालु र कञ्चनजङ्गा हिमालको हीरक महोत्सव मनाउने सिलसिलामा संसार भरका आरोही नेपाल आउने भएका छन् ।
विश्वको पाँचौँ अग्लो मकालु (आठ हजार चार सय ६३ मिटर) र तेस्रो अग्लो कञ्चनजङ्गा (आठ हजार पाँच सय ८६ मिटर) हिमालको हीरक महोत्सव मनाउन आगामी मङ्सिरको पहिलो साता आरोही नेपाल आउन लागेका हुन् । महोत्सवमा ख्यातिप्राप्त विदेशी आरोही, पर्यटन तथा वातावरणविद् एवम् अन्तर्राष्ट्रिय सञ्चारमाध्यमको पनि सहभागिता हुने हीरक महोत्सव मूल आयोजक समितिले जनाएको छ ।
अन्तर्राष्ट्रिय आरोही तथा मिडिया पनि नेपाल आउने भएकाले नेपालको पर्यटनलाई विश्वमा प्रवद्र्धन गर्न महत्वपूर्ण सहयोग पुग्ने बताइएको छ । आगामी मङ्सिर ३ र ४ गते काठमाडौँ, ६ गते सङ्खुवासभाको चिचिलडाँडा र ७ गते ताप्लेजुङको फुङ्लिङ बजारमा महोत्सव मनाउन लागिएको मुल आयोजक समितिले पत्रकार सम्मेलन गरी सो जानकारी दिएको हो । ती दुई हिमालमा पहिलो मानव पाइला टेकेको ६० वर्ष पुगेका अवसरमा हीरक महोत्सव मनाउन लागिएको हो । विसं २०१२ जेठ १ गते फ्रान्सेली लियोनेल टेरे र जिन काउजीले मकालु हिमालको सफल आरोहण गर्नुभएको थियो । त्यस्तै जेठ ११ गते बेलायती जो ब्रिब र जर्ज ब्यान्ड ले कञ्चनजङ्गाको आरोहण गर्नुभएको थियो । सन् २०१५ मै महोत्सव मनाउनुपर्ने भए पनि भूकम्प र नाकाबन्दीका कारण पछि सरेको जनाइएको छ ।
महोत्सवलाई भव्य र सभ्य बनाउन आवश्यक सम्पूर्ण तयारी अन्तिम चरणमा पुगेको आयोजकले जनाएको छ । महोत्सवकै अवसरमा काठमाडौँमा भूकम्पपछिको ‘माउन्टेन टुरिजम’ बारे दुईदिने अन्तर्राष्ट्रिय सम्मेलनको आयोजना पनि हुने र त्यसमा ख्यातिप्राप्त आरोही तथा वातावरणविद्को सहभागिता रहनेछ । त्यसैगरी एसियन अल्पाइन एसोसिएसनको साधारणसभा पनि आयोजना हुने मूल आयोजक समितिले जनाएको छ । महोत्सवमा दुवै हिमाल आरोहण गर्ने एसियाका अधिकांश मुलुक तथा युरोप र अमेरिकाका चर्चित आरोही आउने बताइएको छ । आरोहीसँगै प्रतिष्ठित व्यक्ति तथा विभिन्न सञ्चारमाध्यमका प्रतिनिधि पनि नेपाल आउने भएकाले नेपालको छविलाई विश्वसामु पु¥याउन महोत्सव उपयोगी हुने मूल आयोजक समितिका सदस्यसचिवसमेत रहनुभएका नेपाल पर्वतारोहण सङ्घ ९एनएमए० का अध्यक्ष आङ्छिरिङ शेर्पाले बताउनुभयो ।
नेपालको पर्यटनलाई विश्व बजारमा प्रवद्र्धन गर्ने उद्देश्यले आठ हजार मिटर अग्ला हिमालको हीरक महोत्सव मनाउने अभियान जारी रहेको बताउनुभयो । मूल आयोजक समितिका अध्यक्ष एवम् संस्कृति, पर्यटन तथा नागरिक उड्डयन मन्त्रालयका सचिव शङ्करप्रसाद अधिकारीले नेपालको पर्यटनलाई विश्व बजारमा प्रवद्र्धन गर्न महोत्सव उपयोगी हुने विश्वास व्यक्त गर्नुभयो । अध्यक्ष शेर्पाका अनुसार हालसम्म मकालु हिमालको ३९१ र कञ्चनजङ्गाको ३२३ जना स्वदेशी तथा विदेशी आरोहीले सफल आरोहण गरिसकेका छन् । त्यसमा सबैभन्दा बढी नेपाली र अमेरिकी नागरिक छन् ।

प्रतिकृया लेख्नुहोस्:

प्रतिकृया लेख्नुहोस्:

मकालु–कञ्चन हीरक महोत्सवः विश्वका आरोही आउँदै Reviewed by on . काठमाडौं । विश्व चर्चित मकालु र कञ्चनजङ्गा हिमालको हीरक महोत्सव मनाउने सिलसिलामा संसार भरका आरोही नेपाल आउने भएका छन् । विश्वको पाँचौँ अग्लो मकालु (आठ हजार चार काठमाडौं । विश्व चर्चित मकालु र कञ्चनजङ्गा हिमालको हीरक महोत्सव मनाउने सिलसिलामा संसार भरका आरोही नेपाल आउने भएका छन् । विश्वको पाँचौँ अग्लो मकालु (आठ हजार चार Rating: 0
Scroll to top
>